Voogdijraad ta pidi mayornan pa yega na akuerdo ku otro tokante pago di alimentashon

Voogdijraad ta pidi mayornan pa yega na akuerdo ku otro tokante pago di alimentashon

Geplaatst op 06 April 2020 dor di Ministerio Hustisia

Willemstad – Voogdijraad ta hasi apelashon riba mayornan divorsiá òf ku no ta den relashon mas ku otro, pa huntu, na bienestar di nan yunan, yega na un akuerdo ku otro pa pago di alimentashon. Pa motibu di Corona Vírùs tin diferente mayor ku por tin problema pa pago di alimentashon dor ku nan entrada a bira ménos òf a asta kai afó kompletu. Esaki sin embargo no ta nifiká ku un mayor por definitívamente, òf riba su mes, kambia hues su desishon tokante e alimentashon.

Tene semper na kuenta ku si tin un dekreto (beschikking) pa pago di alimentashon, ta un hues so por trese kambio den esaki. Mésora ku esaki ta bira posibel, hues lo trata eventual petishon pa adaptashon. Si e alimentashon ta un akuerdo mutuo entre partidonan, òf si e ta un desishon tumá dor di un hues den un dekreto, un eventual kambio no por ta desishon di un partido so. Semper, na bienestar di e yunan, ta ámbos partido mester wak pa e muchanan no bira víktima di e sirkunstansianan.

Pago di alimentashon ku ta sosodé via di Voogdijraad ta sigui, pero ku un frekuensia mas abou. Esaki ta nifiká ku e sèn di alimentashon por yega riba un otro fecha ku esun kustumbrá. Motibu di esaki ta ku Voogdijraad por hasi solamente e pagonan ku drenta serka nan. Si tin pregunta tokante alimentashon, por tuma kontakto via number di telefon 516-8664, durante oranan di ofisina.

This site uses Akismet to reduce spam. Learn how your comment data is processed.

error: Content is protected !!
%d bloggers like this: