Korsou: JCI Willemstad ku atenshon spesial pa e promé beibi di aña pa e di 40 aña konsekutivo

 

JCI Willemstad ku atenshon spesial pa e promé beibi di aña pa e di 40 aña konsekutivo

 

Kòrsou ta yama bon biní na su promé beibi pa aña 2025. Manera ya a bira un tradishon JCI Willemstad ta duna atenshon i rekonosimentu na e promé beibi di aña. A toka turno na Kraamkliniek Fundashon Duna Lus pa yama bon biní na e promé yu di aña ku yama Sianna Abisoina , kende a nase 07:03 a.m. ku un peso di 2795 gram i largura di 46 cm. Su orguyoso mayornan ta mama Suen Abisiona-Louisa i tata Jonathan Abisiona. Un legria inmenso a reina, na momentu ku e uniko partero maskulino na Korsou sr. Joel Grives den su prome aña na Korsou a yuda trese e prome beibi di aña. Broeder Albertoe, zuster Luciano-La Cruz i zuster Melfor-Gonet a asisti pa trese e prome beibi di aña na mundo.

 

Presidente 2025 di JCI Willemstad Alasha Tejeda asisti pa su Presidente saliente Paul Leeflang a bishitá e mayornan di e beibi pa felisitá i sorpresá nan ku algún regalo i opsekio. Prome beibi di aña 2024 Kylian Ortgega tambe tabatei presente pa yama bon bini na su susesor. Presidente di JCI Willemstad, Alasha Tejeda, a ekspresá su gratitut ku yegada di e beibi i tambe a duna felisitashon na e famia. Un danki speshal ta bai na tur spònsernan ku ta karga ku e proyekto tur aña di nobo.

 

E aña aki ta e di 40 aniversario di projekto di prome beibi di aña. Pa selebra esaki sr. Tony Hernandez tabata tei presente. Sr. Hernandez tabata presidente di JCI Willemtad na aña 1985 durante su presidensha ela initia e projekto prome beibi di aña. Tony Hernandez a jama bon bini na e beibi i a hiba algun palabra tokante e importansha di krea lider na un edat hoben. E bunita ta ku 40 aña pasa e prome beibi di aña tambe a nanse na Kraamkliniek Fundashon Duna Lus manera e aña aki.

 

JCI Willemstad ke jama danki na e sponsornan. E projekto lo no ta posibel sin e sosten di e kompania I organisashonan aki. Nan ta lo siguiente: Salas Sport Shop, Freeport Jewelers, Pietersz Distribution, Highlights Enterprise N.V., Knock Knock Kids I JOIA Collective, Biblioteka Nashonal Korsou, Belly Blossom Spa & More, Superkidz Curaçao, Ons kastje, MommiesAngels Curaçao, Baby Fresh Curaçao i Esperamos Supermarket.

 

JCI Willemstad te deseá pueblo di Korsou un aña 2025 yená ku prosperidat i tur klase di éxito.