William Millerson COVID-19 ta plamando rònt mundu.

COVID-19 ta plamando rònt mundu.
Kòrsou no a keda librá di esaki, pasobra di 13 di Mart ùltimo nos tabata tin e promé kaso positivo na Kòrsou. For di e momento ei Gobiernu, huntu ku su crisis team i dr. Izzi Gerstenbluth a kuminsa traha inkansablemente pa mitigá un ekspanshón di COVID-19 na Kòrsou. Te ainda por bisa ku ta bayendo hopi bon.
E situashón ku nos país, i paisnan ront mundu ta pasando aden ta unu serio i hopi lamentabel. Pero apesar di tur kos, nos ta sigi konfia ku Dios ta den kontrol.
Hopi hende ta preokupá pa nan pan di kada dia i pa nan salú.
COVID-19 ta kabando ku salú i bida di hopi hende na mundu, danki Dios Kòrsou a keda di spaar di esaki. Pero si COVID-19 ta kabando ku nos ekonomía, nos bida sosial, nos enseñansa, nos labor i nos finansas. Pesei mes awor no tin lugá pa hasi polítika, ni bombardea pueblo ku fake news i ta negativo. Awor mas ku nunka nos mester ta UNI pa huntu saka Kòrsou pa dilanti. Si bo ta realmente stima Kòrsou, BAN SOSTENE OTRO.
Gobiernu ta reuniendo tur día ku Rampenbestrijdingorganisatie (RBO) i crisis-team pa maneha e krisis di COVID-19 aki na Korsou. Pa esaki tambe a forma un komishón Noodfonds. Den tur tin hendenan trahando ku alma i kurpa pa Kòrsou Sali bon for di esaki i prosperá.
Gobièrnu ta bin ku proposishón pa Pakete di Sostén pa mantené kupo di trabou i aktividat empresarial.
Pa awor ban sea disipliná i keda paden, mantené distansha sosial i higiena pa nos sali huntu bon for di e pandemia aki.

Mi ta konvensí ku nos lo vense e krisis aki i ku Kòrsou lo lanta mas fuerte.

No tene miedu, pasobra Mi ta ku bo, no wak asina spantá, pasobra Ami ta bo Dios. Mi ta duna bo forsa, yuda bo, sostené bo ku mi man viktorioso.
Isaías 41:10

BAN KUIDA OTRO