Kampionato softbol Liga CSB/MCB ta start djabierne 24 mei den Sabana ballpark

Kampionato softbol Liga CSB/MCB ta start djabierne 24 mei den Sabana ballpark

Djabierne awor lo tin un gran apertura di kampionato softbol 2019 patrosina pa MCB, na sabana ballpark. Lo tin un programma basta karga ku show, homenahe i 1 partido di softbol. Lo bai tin shownan prepara pa entretene e publiko. Pa loke ta homenahe e anja aki nos lo hasi algu special, nos lo duna homenahe na 4 persona i dedika e kampionato na kada 1 di e personanan aki ku ta representa tur e pilarnan di e deporte softbol. Nos lo dedika e kampionato na Sr. Gilbert “Gibi” Paulina (umpire), Sylvanie Clarke (eks hungador), Jozef Martina (eks hungador) i Gilbert “Boy” Jansen (eks dirigente).

Tur kos lo start for di 19:00, himno lo wordu intrepeta pa Heidi Angelista. E prome partido lo bai entre Sta.Rosa Angels Vanddis (kampion 2018) kontra Pichingolo Nissan (supkampion 2018). Entrada ta gratis i nos ta warda tur fanatiko djabierne awor na Sabana Ballpark.