Barku di Marina Zr.Ms. Karel Doorman ta bini na reskate di Region Karibe

Barku di Marina Zr.Ms. Karel Doorman ta bini na reskate di Region Karibe

Barku di Marina Zr.Ms. Karel Doorman ta Sali Djaluna awor desde Den Helder pa bai Region Karibe. Defensa ta desplegá e barku pa mes ora sostené e outoridatnan sivil den e Krísis di Corona, ora ku e situashon ta pidi pa esei. E barku inisialmente ta keda desplegá pa un largura di tres luna.

Ku presensia di e barku ku ta duna sosten logístiko, e islanan por ademas di e barku Zr.Ms. Zeeland ku ya kaba ta presente, rekurí na un kapasidat versátil i rápidamente desplegabel. Zr.Ms. Karel Doorman por duna sosten di transporte pa por ehèmpel garantisá e siguridat di alimento. Ademas di esei e barku di Marina por sostené Wardakosta den e asuntu di vigilansha di fronteranan Marítimo. I e por sirbi komo base pa apoyá órden públiko ora e trese persona i ekipo na tera rápidamente.

Finalmente e barku ta disponé di tambe fasilidatnan médiko pa apoyá e kuido médiko lokal na momentunan di kuido di emergensia ku no ta regardá na COVID.
Gobièrnunan lokal di e parti Karibense di Reino último simannan a entregá diferente petishon pa asistensia serka Defensa, pa apoyo den kombatí e Viro di Corona. Defensa ta sostené momentaniamente ya kaba ku unidatnan lokal na entre otro e Vigilansia Marítimo di fronteranan. I tambe den mantenshon di órden públiko. Ku proksimidat di Zr.Ms. Karel Doorman, Defensa ta sòru ku rápidamente sosten èkstra rápido lo ta presente, na momentu ku petishon keda hasí pa esei.

Zr.Ms. Karel Doorman ademas di su mes kapasidatnan komo barku di transporte i suministro, ta duna huntu ku 2 helikòpter Cougar di Forsanan Aéreo pa transporte médiko i evakuashon. Un tim médiko ku kapasidatnan kirúrgiko, un tim pa kuido básiko, na tera i drone di ehérsito (Landmacht) i Marina pa konstrukshon di imágen. Banda di esei ta bin tambe Unidatnan di Marinir ku vehíkulonan i embarkashonnan di aterisahe pa transporte. En kaso ku ta nesesario por bin un unidat èkstra di Marinir via aéreo. E barku tin tambe un embarkashon di yudansa di emergensia pa orkan.

Tambe Fransia i Reino Uní tin un barku di Marina den e área. Ku e paisnan aki a keda lantá un sélula di kordinashon na Martinique, pa kaminda ta nesesario, traha huntu. Di e forma aki Karel Doorman por suministrá e barkunan aki di kombustibel.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: