Kurpa sin bida di Arubano bibá na Hulanda

Despues di a keda alertá pa personanan ku a mira un saku di plèstik ku tabata drif na altura di Schoteroog dia 7 di aprel ultimo, agentenan polisial na Hulanda,  Noord Holland, a enkontrá un kurpa sin bida den area di Haarlem ta drif den awa. E kurpa tabata lorá den un saku di plèstik i tabata lorá ku zeil i mará ku duct tape. Djaluna 13 di aprel a logra identifiká e kurpa sin bida, ku yudansa di agentenan forensiko, komo kurpa di Lindomar Maduro di Aruba. Kontinuando ku e investigashon agentenan polisial ta buskando testigunan ku por a tuma nota di algu sospechoso den area kaminda a enkontrá e kurpa. E area ta unu ku normalmente ta hopi frekuentá ora tin solo, pero a konsekuensia di e krisis di COVID-19, e area ta hopi trankil aktualmente. Pas na alma di e defuntu. Forsa na famianan.