Detenshon pa intento di asesinato, menasa i violashon di lei di arma.

KOMUNIKADO DI PRENSA 157 / 2020
16 aprel 2020
Detenshon pa intento di asesinato, menasa i violashon di lei di arma.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di tiramentu ku a tuma luga
djadumingu 16 di febrüari 2020 den área di Sta. Rosa, reshèrshinan di VVC a detené un
hòmber sospechoso.
Djaweps 16 di aprel 2020, alrededor di 14.30’or polis a bai na un kas na Las Almas relashoná
ku e kaso ariba menshoná.
Na e sitio polis a detené e hòmber U.K.T. nasé na Kòrsou di 50 aña di edat, pa intento di
asesinato, menasa i violashon di lei di arma di kandela.
Durante búskeda den e kas polis a haña i konfiská un arma di kandela. Den un otro kamber
di e kas polis a haña i konfiská algu di droga. Relashoná ku esaki polis a detené un otro
habitante di e kas, e hòmber E.D.T. nasé na Kòrsou di 19 aña di edat, pa violashon di lei di
opio.
A presentá e duo dilanti di un Fiskal Ouksiliar i despues di interogashon e sospechoso E.D.T.
a rekobrá su libertad i a ordená enkarselamentu di U.K.T. pendiente di mas investigashon.