Kaso di atrako ku detenshon.

KOMUNIKADO DI PRENSA 156 / 2020
16 aprel 2020
Kaso di atrako ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 16 di aprel 2020, alrededor di 10.15’or Sentral di Polis a haña notifikashon di un
kaso di atrako ku tabata tumando lugá den un toko riba Schonegevelstraat.
E unidat polisial ku a yega na e sitio a kuminsá ku un investigashon preliminar i a resultá ku
dos hòmber kara tapá i ku machete den man a drenta den e toko.
Bou di menasá ku e machete nan a obligá e doño di e toko pa duna nan sèn kèsh. Tambe e
sospechosonan a bai ku karchi di telefòn i tarheta SIM. Despues di nan akto nan a drenta un
vehíkulo blou i bai for di e sitio. Polis a kuminsá ku búskeda den e área i a señalá un
vehíkulo blou ku dos okupante aden riba Kaya Wama.
Na momentu ku polis a para e vehíkulo aki pa kontrol, nan a haña den e outo lachi ku sèn
kèsh, karchi telefòn i tarheta SIM probablemente prosedente di e atrako ariba menshoná.
Na e sitio polis a detené e hòmbernan:
 J.G.H. di 22 aña di edat;
 G.C.C. di 18 aña di edat, ámbos nasé na Kòrsou, komo sospechoso den e kaso di
atrako na Schonegevelstraat.
Polis a konfiská e vehíkulo ku nan tabata aden i tambe tur e artíkulonan prosedente di
atrako.
A presentá e duo dilanti di un Fiskal Ouksiliar ku a ordená nan enkarselamentu pendiente di
mas investigashon.