Pronóstiko di tempu pa Kòrsou i bisindario bálido te djamars mainta 06:00 o.l., 21 di aprel 2020.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 21 di aprel 2020.
Kompilá: djaluna 20 di aprel 2020, 05:00 o.l. (09:00 UTC).

Tempu: Parsialmente nublá i un wer seku lo kontinuá.

Temperatura máksimo lo alkansá 32ºC i temperatura mínimo 26ºC.
Solo ta sali 06:21 i ta baha 18:48 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Durante di dia, ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Algun nubia lo pasa de bes en kuando riba nos region durante di próksimo 24 ora. Sin embargo, un wer seku lo sigui prevalesé riba nos isla. Mas aleu, fluho di bientu lo mantené un forsa moderá te basta fuerte den nos área durante di dia.

Kondishon di laman: Por lo general moderá ku altura di olanan entre 1 i 2 meter (3 pa 6 pia).

Fenómeno spesial: Mañan (djamars) i djárason mèrdia 12:34’or, solo lo ta posishoná règt riba nos kabes den e asina yamá zénit. Esaki ta sosodé tur aña na dos okashon; na aprel i ougùstùs. Na e momentu ei e radiashon fuerte di solo riba Kòrsou lo ta na un máksimo kompará ku otro dianan di aña. Dia 20 di ougùstùs próksimo solo lo ta den e mesun posishon aki un biaha mas.

Perspektiva te djárason mainta: Por lo general parsialmente nublá i no ta antisipá áwaseru signifikante.

Meteorólogo: Rombley.