Pronóstiko di tempu pa Kòrsou i bisindario bálido te djadumingu mainta 06:00 o.l., 26 di aprel 2020.

Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l., 26 di aprel 2020.
Kompilá: djasabra 25 di aprel 2020, 05:00 o.l. (09:00 UTC).

Tempu: Durante mainta tin chèns pa un áwaseru na sierto parti di Kòrsou. Mas lat durante di dia, un tempu seku lo prevalesé.

Temperatura máksimo lo alkansá 32ºC i temperatura mínimo 26ºC.
Solo ta sali 06:18 i ta baha 18:49 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Durante di dia, ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Áreanan di mas nubia lo pasa de bes en kuando riba nos region durante oranan di mainta. Algun di e nubianan aki por produsí algun áwaseru lokal riba nos isla. Sin embargo e chèns pa áwaseru lo baha mas lat durante dia. Mas aleu, e fluho di bientu lo mantené un forsa basta fuerte durante di próksimo oranan.

Kondishon di laman: Moderá ku altura di olanan entre 1 i 2 meter (3 pa 6 pia). Na kosta nort i ost di Kòrsou, lo tin e olanan di mas haltu.

Fenómeno spesial: Ningun.

Perspektiva te djaluna mainta: Parsialmente nublá i no ta antisipá áwaseru signifikante.

Meteorólogo: Correa.