Kaso di hinkamentu ku detenshon.

KOMUNIKADO DI PRENSA 180 / 2020
27 aprel 2020
Kaso di hinkamentu ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 27 di Aprel 2020 alrededor di 5’or, Sentral di Polis a dirigí un unidat na e pòst
di ambulans na Montaña Abou pa un kaso di hinkamentu.
Na yegada di e unidat nan a bin topa un dama ku a deklará ku su amigu a wòrdu hinká dor
di un otro hòmber na un adrès den Kaya Chapapoti.
Entre tantu e víktima ya a keda transportá ku ambulans pa sala di emergensia di C.M.C.
Kontinuando ku e investigashon, e unidat a bai Kaya Chapapoti, na unda e hinkamentu a
tuma lugá.
For di investigashon a sali na kla ku e víktima i e hòmber sospechoso M.E.S. di 68 aña di
edat nase na Kòrsou tabatin un diskushon ku otro, ku a kaba den e maltrato ku arma.
Na e sitio polis a detené alrededor di 05.50’or, e sospechoso en kestion i a present’é dilanti
di un fiskal ouksiliar ku a ordená su enkarselamentu pendiente di mas investigashon.