KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTENOTISIA

Resumen di selekshon softbol di Korsou di 2017 te ku 2019

Resumen di selekshon softbol di Korsou di 2017 te ku 2019

 

Federashon di softbol di Korsou a resumi presentashon di selekshon nashonal di softbol femenino. Djis pa bai un tiki bek den historia, final di 2016 direktiva a aktiva e selekshon femenino bek i start ku ku un proseso nobo despues ku Korsou tabatin 7 anja sin a partisipa internashonalmente. Ku hopi esfuerso i perseveransia nos ta satifecho ku e resultadonan ku e redunda den medaa di oro durante kampeonato suramericano. 

 

Resumen partidonan:

Totaal Korsou a kompeti den 4 kopetensia internashonal den e ultimo 3 anjanan kwal ta primeramente kampeonato panamericano, Juegos centro Americano I del Caribe, Sur Americano 2018 i sur Americano 2019. For di e 4 kopetensianan aki Korsou a hunga un total di 34 partido pa un rekert di 18 gana i 16 perdi. Nos selekshon nashonal a enfrenta un total di 15 pais di e 23 paisnan ku ta miembro di WBSCS America, entrenan 9 di e 10 paisnan ku ta pertenese na e top 10 nan di Continente America. For di e 9 paisnan aki Korsou a jega di gana 3 di nan, kwal ta Venezuela  1 biaha ku skor di 4 pa 2 (suramericano 2018), Peru nos a derota 3 biaha ku skor di 7-5( kampionato panamericano), 3-1 i 6-5 (suramericano 2018) finalmente Brazil 2 biaha ku skor di 4-1 i 6-5 na suramericano 2019. Mester remarka ku Brazil ta number 5 riba ranking di WBSC i number 14 riba ranking mundial di softbol femenino.

 

Resumen hungadornan ku a resalta:

Durante e torneonan aki tin diferente hungador ku a resalta den diferente departamentu pa e selekshon di Korsou. Pa e parti defensivo, e rumanan Emerenciana na 2018 tur 2 tabata den e top 5 miho infliedernan di Juegos centro Americano I del Caribe i na 2019 tur 2 a gana e titulo di miho shortstop i e otro miho segunda base. Pa loke ta trata e parti picheo mester remarka ku Shana te vrede a karga e selekshon for di 2017 ganando partidonan importante pa nos selekshon i aktualmente tin 6 viktoria registra riba su nomber pa e selekshon di Korsou, entre nan Venezuela i Brazil. Tambe nos tin di menshona Leonella Elizabeth ku 5 viktoria den 1 torneo kwal ta esun ultimo di suramericano.

Pa loke ta trata e parti ofensivo Genevieve Hariquez ku ta lidera ku mas tantu hit tambe Lee-Ann Craanberg ku ta parese den kasi tur departamentu ofensivo. 

 

 

 

639114718427035"
639114718427035"