Akshon Covid-19.

KOMUNIKADO DI PRENSA 188 / 2020
2 mei 2020
Akshon Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Durante di e periodo di ‘Shelter in place’ dia promé di mei 2020, unidatnan di Mantenshon
di Òrdu Públiko a kontrolá 478 vehíkulo, 849 persona i a repartí 11 prosès verbal.
Durante di ‘toque de queda’ den e periodo di 9’or di anochi di dia promé di mei pa 6’or di
mainta dia 2 di mei 2020, e unidatnan a kontrolá 7 vehíkulo i 11 persona.
Ta bon pa indiká ku no opstante ku ta de-eskalando e medidanan ku gobièrnu a tuma, e
kontrolnan di polis ta kontinuá i lo aktua di forma represivo kontra di esnan ku no ta tene
nan mes na e medidanan ku ta sigui vigente.
Kuerpo Polisial ta spera koperashon di tur siudadano i ta sigui hasi un apelashon pa esnan
ku no mester ta riba kaya, pa mantené nan mes na kas, evitando asina ku e vírus por plama.
Punto di salida durante di kontrol ta keda por lo pronto “plachi di dia”, teniendo kuenta ku
esnan ku tin eksonerashon òf kasonan di urgensia.