Polis ta bai aktua kontra komportashon di siklistanan riba kaminda públiko.

KOMUNIKADO DI PRENSA 190 / 2020
3 mei 2020
Polis ta bai aktua kontra komportashon di siklistanan riba kaminda públiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis a bin ta tuma nota ku prinsipalmente riba djadumingu, un kantidat grandi di
siklistanan ku ta move riba kaminda públiko fuera di e orarionan ku gobièrnu a anunsiá ku
por usa pa rekreá sea den oranan di mainta komo atardi.
E siklistanan aki ku ta kore den gruponan grandi, aparte di no ta kumpli ku e distansia sosial,
no ta apliká tampoko reglanan di tráfiko.
E komportashon aki ta unu sumamente iresponsabel i algun di e gruponan aki asta a presta
di subi brùg Juliana, eksponiendo nan mes na tur peliger ku esaki por tin.
Diferente di e baiskelnan aki tampoko ta kumpli ku e eksigensianan tékniko konforme e
Ordenansa di Tráfiko 2000.
Polis ta desaprobá e komportashon aki i ta kontemplando pa tuma medidanan severo
kontra tur esnan ku ta falta ku medidanan tuma dor di gobièrnu den kuadro di Covid-19,
pero tambe reglanan di tráfiko ku ketu bai ta vigente.
Komo esun responsabel pa òrdu públiko, polis ta bai asumí su responsabilidat aun mas i lo
pone un paro na e desòrdu aki.
Den transkurso di siman, polis lo bini bek riba e medidanan ku ta bai tuma.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: