Servisio di THZ di Ministerio GMN tambe ta apliká nòrmal nobo den proseso pa otorgá karchi di kùr
Servisio di THZ di Ministerio GMN tambe ta apliká nòrmal nobo den proseso pa otorgá karchi di kùr
Geplaatst op 27 May 2020 dor di Ministerio Salubridat Públiko, Medio Ambiente i Naturalesa
Willemstad – Dia 1 di yüni 2020 e departamentu di kurmentu di personanan ku ta prepará kuminda, e asina yamá ‘foodhandler’, ta reanudá su servisionan. Lo atendé kùrmentu den 2 fase. E promé fase dia 1 di yüni, ta pa personanan ku nan karchi di kùr a kaduká durante e lunanan di mart, aprel i mei 2020. Di dos fase kual ta dia 15 di yüni, ta kùrmentu regular pa personanan ku nan karchi a kaduká promé ku mart 2020 i esnan ku nan karchi ta kaduká despues di 30 di mei 2020 i esnan ku ta kùr pa promé biaha.
Durante henter e proseso ta tene kuenta ku e normal nobo. E kliente por pasa na G&Gz (ántes GGD) durante orario di trabou pa paga Fl 50 i por haña e informashon nesesario na diferente idioma riba wèpsait di “Gobièrnu di Kòrsou” òf Facebook di “Ministry of Health”. Durante èksamen tambe lo tene kuenta ku e 2 meter di distansha entre kada kliente. Pa tur informashon tokante karchi di kùr por bishitá Facebook di “Ministry of Health”.
