FFK KU AKLARASHON RIBA PUBLIKASHONNAN DEN PRENSA!

FFK KU AKLARASHON RIBA PUBLIKASHONNAN DEN PRENSA!

 

 

Relashoná ku entre otro komentario i informashonnan publiká den prensa enkuanto e pèrsonanan, èks miembronan di direktiva di FFK ku ta outorisá pa firma na banko pa FFK, nos di FFK ta deseá pa aklará lo siguiente.

 

Despues di e elekshon pa direktiva na sèptèmber 2019, e direktiva nobo di FFK a kuminsá entamá e proseso pa:

1) nombra e pèrsonanan di e direktiva nobo ku lo firma na banko

2) formalisá e parti atministrativo rekerí na nos bankonan.

 

Den e totalidat di esaki FFK mester atmití ku aparte di e situashon di Covid-19 tin detayenan ku (t)a tuma(ndo) hopi mas tempu ku nos mes a proyektá i komo tal FFK ta den kontakto kontinuo ku e bankonan konserní.

 

Basá riba esaki FFK mester a sigui dependé di e pèrsonanan ku tabata den e direktiva anterior, kende a sirbi futbòl dignamente, pa sigui yuda i koperá ku FFK i futbòl pa por a atendé asuntunan finansiero. Esaki ta algu di kua nos di FFK ta sumamente agradesido na nan.

 

Mester enfatisá ku di parti di FFK, nos ta sigui traha pa pronto e asuntu aki ta kompletamente konkluí.

 

Ku saludo deportivo,

 

FEDERASHON FUTBÒL KÒRSOU

 

Shaheen Saad Elhage, Presidente