FFK KU DIFERENTE REUNION IMPORTANTE DEN E SIMAN TRAS DI LOMBA!

FFK KU DIFERENTE REUNION IMPORTANTE DEN E SIMAN TRAS DI LOMBA!

 

 

Ku mira riba Liga MCB Promé i Segundo Divishon ku lo inisiá próksimamente, FFK ta tin algun reunion interesante den e siman tras di lomba. E promé tabata djarason ora ku direktiva di FFK a reuní ku e komishon di apelashon i a hasi instalashon di e miembronan nobo di e komishon aki. Tambe direktiva a sera konosí ku e tim dinámiko ku lo trata e kasonan di apelashon den nos futbòl lokal. E tim aki ta konistí di un grupo di abogado, hurista i pèrsonanan versá riba e área di di lei.

E miembronan nobo di e komishon aki ta;

 

  1. Terrence Matroos (HBN Law)
  2. Jo-Ann de Windt (JDW LEX Attorneys at Law)
  3. Sucena Hortencia (Murray Advocaten)
  4. Reagan Celestijn (Aqualectra)
  5. da Costa Gomez (Da Costa Gomez & Peterson Law Group)

 

Miéntras Micheal Bonapart (Soliana Bonapart & Aardenburg Attorneys At Law) i Jo-Ann Meulen (423 Legal Loft) a keda reelegí pa ta den e komishon aki.

Pues awor nos ta konta ku un tim nobo ku nos tin sigur ku nan lo sa di hasi un bon trabou.

 

Aparte di e reunion ku e miembronan di komishon di apelashon, riba djaweps Direktiva di FFK a reuní ku miembronan di prensa audio visual riba transmishon di weganan spesialmente durante e temporada ku lo no bai tin públiko den stadion. Esaki tabata un reunion orientativo despues di a risibí basta petishon di prensa pa transmití e diferente partidonan di Liga MCB i asina tambe yuda promové nos futbòl lokal. Diferente miembro di prensa a asistí i a diskutí riba tur e posibilidatnan ku lo por tin pa ku transmishon di Liga MCB. Esaki tabata e promé di un seri di enkuentro ku prensa pa ‘brainstorm’ riba tur ta e posibilidatnan ku lo benefisiá nos klupnan i tambe tur fanátiko di futbòl aki na Kòrsou.

 

E delaster reunion a tuma lugá riba djasabra tras di lomba kaminda FFK a yama un reunion informativo, èkstra ordinario pa reuní ku e klupnan pa informá nan riba e desaroyonan di e reanudashon di Liga MCB. Tambe nos a konta ku presensia di dòkter Izzy Gerstenbluth ku a bin duna un splikashon tokante e delaster desaroyonan di Covid-19 na Kòrsou i den nos futbòl.

Mas despues direktiva tamba a duna un splikashon tokante e medidanan di prekoushon ku lo tin ku tene kuenta kune den e dianan binidero. E klupnan presente por a hasi nan pregunta i remarkenan tantu na dòkter komo direktiva tokante e tópiko aki. Mas informashon tokante e kontinuashon di Liga MCB ta sigui den e dianan benidero.

 

Direktiva ta sigui traha duru pa bienestar i adelanto di nos futbòl lokal.

This site uses Akismet to reduce spam. Learn how your comment data is processed.

%d bloggers like this: