KOMUNIKADO DI KUERPO POLISIAL KÒRSOU Aksidente di tráfiko ku morto, Sharmaine Daniela Florentina (46) ta perde su bida di forma tragiko

 

KOMUNIKADO DI PRENSA
241 / 2020
21 yüni 2020
Aksidente di tráfiko ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 21 yüni 2020, alrededor di 01.33 or, Sentral di Polis a dirigí un unidat pa e
krusada Kaminda George Willems i un kaminda sin nòmber pa un aksidente di tráfiko, entre
un outo i un bròmer.
Na yegada di e promé unidat, el a topa ku dos (2) bròmer benta riba e kaminda menshoná i
un dama, shofùr di un di e bròmernan gravemente heridá.
For di investigashon ku polis a realisá na e sitio, a sali na kla ku e dama shofùr di e bròmer
huntu ku un otro shofùr di un otro bròmer tabata koriendo riba e Kaminda George Willems
direkshon Ronde Klip. Na altura di e kaminda sin nòmber shofùr di e outo a sali subi e
Kaminda George Willems sin duna preferensia na e bròmernan ku tabata aserkando.
Dor di e akto aki e dama shofùr di un di e bròmernan a bai dal kontra banda robes di e outo.
E otro shofùr di e bròmer a logra desviá i bai kai for di su bròmer. Debi na e aksidente aki e
dama víktima a sufri leshonnan basta serio i a bin fayese na e sitio.
Alrededor di 02.50 or dòkter di polis ku a presentá na e sitio, a konstatá morto di e dama
Sharmaine Daniela Florentina, nasé na Kòrsou, dia 15 di febrüari 1974.
Ambulans a transportá e otro víktima pa C.M.C. pa risibí tratamentu médiko.
Riba òrdu di Fiskal di Ministerio Públiko a konfiská e kurpa sin bida di e víktima pa mas
investigashon.

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: