Kaso di un ser humano ku mester di kuido médiko urgente

Minister Salubridat, Naturalesa i Medio Ambiente

Minister Suzanne Camelia-Römer

PRESENTE

 

Willemstad, 23 di yüni 2020,

 

Tópiko:  Kaso di un ser humano ku mester di kuido médiko urgente

 

Honorabel  Minister Camelia-Römer,                                                                                                                 

 

Tin un kaso pekuliar na e momentu aki na Kòrsou , kaminda tin un persona di desendensia Haitiano ku ta pegá na Kòrsou pa motibu ku a sera frontera ku Haiti. E persona aki ta rekerí ayudo médiko urgente. Pero e persona aki ta ser mandá di kashi pa muraya sin por keda kla. Miéntras nos ta bira bira pa yuda e ser humano aki, su salú ta empeorá.

 

Hasiendo uso di artíkulo 96 di Reglamentu di Orden nos ta hasi minister Camelia-Römer e siguiente preguntanan:

 

  1. Minister ta na altura ku debí na e lockdown ofisial dekretá pa Gobièrnu di Kòrsou tin siudadanonan di Haiti pegá na Kòrsou i den nan un ku a gradua pa médiko di 27 aña ku no por bai su kas bèk pa tratamentu médiko?

 

  1. Minister ta na altura ku e situashon di e hóben resien graduá médiko aki ta, unu sumamente delikado i ku mester di tratamentu kirúrgiko inmediato pa para e proseso kanseroso ku a keda detektá na su pechu i ku posiblemente a move bai den su lomba di manera ku e mester tambe kuminsá ku tratamentu di kimio terapia urgente?

 

  1. Minister ta na altura ku e pashènt aki ta ser mandá di kashi pa muraya entre e ministerionan di GMN, VVRP i SOAW sin por keda interná den CMC?

 

  1. Minister ta na altura ku a traha un presupuesto di e gastu pa tratamentu ku ta suma alrededor di 20.000 florin i ku tur partinan konserní CMC, onkólogo siruhano ku tin di hasi e amputashon ta eksihí garantia di pago promé ku sigui ku tratamentu, sin sèn no tin tratamentu médiko?

 

  1. Minister por informá Parlamento si na Kòrsou e “deklarashon di Asosiashon di Médiko ankrá den e deklarashon di Helsinki ta aplikabel?
  1. Minister por indiká si ta abo komo minister di GMN tin di duna aprobashon pa e pashènt drenta ku urgensia mañan mainta na CMC bou di e deklarashon di Helsinki di Asosiashon Mundial di Mundu Médiko i ku ta un obligashon Nashonal pa tur médiko sigui e siguiente puntonan denter dje deklarashon aki;

 

2.. In overeenstemming met de opdracht van de WMA richt deze Verklaring zich in de eerste plaats tot de artsen. De WMA nodigt echter de andere personen die betrokken zijn bij het medisch onderzoek op mensen uit deze principes te volgen.

 

Algemene Principes

  1. De Verklaring van Genève van de WMA bindt de artsen met de volgende woorden: ” De gezondheid van mijn patiënt zal mijn eerste zorg zijn” en de ‘International Code of Medical Ethics’ (Internationale Code van Medische Ethiek) verklaart dat een “arts bij het verzorgen van een patiënt moet handelen in diens beste belang”. 

 

  1. Het is de plicht van de arts de gezondheid, het welzijn en de rechten van de patiënten te bevorderen en te vrijwaren, ook van deze betrokken bij medisch onderzoek. De arts wijdt zijn kennis en zijn geweten aan het vervullen van deze plicht.

 

  1. Konkretamente Minister por indiká ku e desishon di atmishon aki pa tratamentu urgente ku amputashon i kimoterapia ta kai bou di responsabilidat di minister siendo un asuntu di salu?

 

  1. Of Minister ta haña ku esaki ta un desishon di Opperbevelhebber Promé Münster ku a ordená e lockdown obligatorio di manera ku e persona no por a bai bèk na su pais natal i komo tal ta kai bou di responsabilidat di promé Minister komo Operbevelhebber?

 

  1. Minister por fasilitá entrada di e pashènt urgentemente den CMC i ordená un investigashon pa agilisá e responsabilisashon di ken nos pais o pais Haiti tin di karga ku e gastunan aki i pa esaki ser hasi riba nivel diplomátiko, ya ku no ta responsabilidat mas di e persona ku ta malu?

 

  1. Minister ta na altura ku nos tòp spesialista riba e tereno aki onkólogo rekonosé na Kòrsou dr. F. Scheper ta na altura di e kaso aki i a ratifiká ku mester apliká kódigo di étika di dòkternan den e kaso aki ?

 

  1. Minister ta na altura ku vários siudadanonan prominente riba nos isla a purba  pa trese e tema aki bou di atenshon di tur minister den e gabinete Rhuggenaath, inkluso pidi yudansa di parlamentarionan i prensa pa yuda trese e tema aki riba agènda nashonal i pèrkurá pa e solushon adekuá pa e pashènt aki?

 

  1. Minister por konfirmá ku Minister, huntu ku bo koleganan tin tur e dokumentashon nan di e siudadano haitiano aki ku a bin selebrá e echo ku el a gradua komo médiko na Kòrsou i a keda pegá debí na desishonnan for di su alkanse?

 

  1. Minister por indiká tambe na nos kon e parti finansiero aki tin di ser atendé awor ku ta konosí ku e persona aki ta;

  

  • Obligatoriamente tené riba órden di Gobièrnu di Kòrsou riba nos isla i komo tal Gobièrnu tin di aseptá e responsabilidatnan ku tal lockdown awor aki ta trese kuné di inkonbeniensia pa e siudadano haitiano aki?
  • Kon bin a tarda pa apliká e kódigo étniko di ayudo obligatorio na pashèntnan den situashon di enfermedat grave ku por afektá hasta nan bida ? 
  • Ki medida ta bai tuma pa e kasonan aki den futuro no ripití ?
  • Duna indikashon transparente kon den futuro kasonan igual mester keda atendé ku efikasia ?

 

Mirando e situashon grave di e persona aki, nos ta spera di haña un kontesta riba término korto di Minister Camelia-Römer.

 

Atentamente,

 

_______________

Charles Cooper

Frakshon MFK

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: