Situashon ku a bai kompletamente for di man ora ku polisnan a usa forsa i ku arma di forma eksesivo kontra di e manifestantenan

 

Willemstad, 24 di yüni 2020

 

Na: Presidente di Parlamento
señora A. Pauletta
Wilhelminaplein # 4
Presente

Tópiko: Reunion Públiko Urgente 

 

Señora Presidente,

 

Frakshon di Movementu Futuro Kòrsou (MFK), Pueblo Soberano (PS), Frakshon di Kòrsou Di Nos Tur (KDNT) i tambe Movemento Progresivo (MP)den Parlamento kier aserka bo persona pa konvoká un reunion públiko urgente konforme artíkulo 64 insiso 4 tokante susesonan ku a tuma den sentro di suidat.

 

E Frakshonnan ariba menshoná primeramente ta lamentá e manera ku kosnan a tuma lugá i ta desaprobá kompletamente e manera ku gobièrnu a hèndel e situashon i ku despues esaki a bai kompletamente for di man ora ku polisnan a usa forsa i arma eksesivo kontra di e manifestantenan.

 

Mirando e urgensha di lokual ta pasando Frakshonnan ta eksihí ku e reunion aki mester keda konvoká pa mañan esta dia 25 di yüni 2020 pa 10or di mainta. Frakshonnan ta pidi pa tantu minister Rhuggenaath i tambe minister di Hustisia sr.Girigorie tei presente na e reunion.

 

Atentamente,

 

Frakshon MFK Frakshon KDNT

 

_________       ________________

Gilmar Pisas Amparo Dos Santos

Lider di Frakshon MFK   Lider di Frakshon MFK   

 

Frakshon MP Frakshon PS

 

_______________       ________________

Marilyne Moses Jaime Cordoba

Lider di Frakshon MP   Lider di Frakshon PS   

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: