Presidente di Parlamento a risibí e Vise Presidente di e Hunta Konseho di Estado
Presidente di Parlamento a risibí e Vise Presidente di e Hunta Konseho di Estado
Djamars dia 23 di yüni 2020 mainta Presidente di Parlamento señora Ana-Maria Pauletta a risibí na su despacho den Punda na plasa Alameda e Vise Presidente di e Kolegio di Konseho di Estado di Kòrsou ku ta señora mr. Lizanne Dindial. E bishita di kortesia aki unu usual ku kada tantu tempu ta ser realisá den kuadro di e ròl i funshon ku Parlamento i e Kolegio di Konseho di Estado tin den e funshonamentu di nos sistema demokrátiko. Resientemente señora Pauletta a asumí e funshon di Presidente di Parlamento i komotal e reunion aki tabata plania pa algun tempu kaba. E reunion a bai den un ambiente di komprenshon mutuo i a toka un variedat di tópiko di interes komun.
