Dia di Bandera 2020

 

Dia di Bandera 2020

Geplaatst op 30 June 2020 dor di Ministerio Asuntunan General i Promé Minister

WILLEMSTAD – En konekshon ku mantenshon di órden públiko i seguridat, Gobièrnu di Kòrsou ta partisipá ku e invitashon ekstendé pa partisipá na aktividatnan di Dia di Emansipashon i Dia di Bandera ta keda anulá.

Aktividatnan protokolario ta sigui sin invitado i ta keda transmití pa pueblo di Kòrsou. Despues di e parti protokolario ta sigui un produkshon spesial pa Dia di Bandera na nos plantanan di televishon dediká na e tema “Sembra awe pa kosechá mañan”.

Ta pidi komunidat pa por fabor keda kas i sigui e aktividat via di e planta di televishon di preferensia. Tambe ta hasi un yamada na pueblo pa hisa Bandera den kada bario i na kada kas pa asina demostrá ku bo ta orguyoso di ta Yu di Kòrsou.

Programa Selebrashon Dia di Bandera 2020

FECHA: 1 DI YÜLI 2020 | 17:35 – 19:00

Lokalidat: Plasa Brion

• Entrada di gruponan uniformá i Peloton di Bandera riba Plasa Brion
• Himno di Kòrsou interpretá pa: Crysander Leonora & Sukayla Baltazar
• Seremonia di baha Bandera
• Seremonia di dobla e Bandera
• Seremonia di warda Bandera den Vitrina na Fort Amsterdam

Lokalidat : ICUC      

• Konmemorashon Dia di Emansipashon

FECHA: 2 DI YÜLI 2020 | 07:30 – 10:00

Lokalidat: Parlamento

• Reunion Solèm di Parlamento di Kòrsou

Lokalidat: Fort Kerk

• Servisio inter-religioso ku lidernan spiritual:

Iman di komunidat Mòslem

Pandit di komunidat Hindú

Rabi di komunidat Hudiu

Obispu di komunidat Kristian

Lokalidat: Fort Amsterdam

• Komandante di peloton ta pidi pèrmit pa hisa Bandera di Kòrsou
• Salida di peloton di bandera for di Fòrti

Lokalidat: Plasa Brion

• Entrada di deportista di aña Shamir Tremus
• Entrada di Peloton di Bandera
• Last Post
• Akto Solèm di Hisa Bandera di Kòrsou
• Himno di Kòrsou presentá pa: Heinrich Pieter, Noisette Eisden-Varlack, Urlmar Concepcion, Larissa La Croes, Hunnely Felicia, Wladimir Kleinmoedig, Giviënca Clotilda, Jennifer Martina i Urvin Jano

Lokalidat: Fort Amsterdam

• Diskurso di Promé Minister, sr. Eugene Rhuggenaath

Programa na kanalnan di televishon

• Entrega di Krus di Mérito
• Entrevista ku un antropólogo Su Girigorie
• Kompilashon empresarionan lokal “Kòrsou ban rekuperá nos forsa”
• Kantika di Solidaridat titulá “Kòrsou tin potensial” (proyekto Ike Jessurun)
• Entrevista ku un antropólogo Richenel Ansano riba e tópiko “Un Kòrsou resiliente”
• Kompilashon empresarionan lokal “Kòrsou ban rekuperá nos forsa”
• Obra titulá “Viktoria” (proyekto Dennis Aalse)