Selikor lo pasa den tur bario pa rekohé shushi di kas, segun skema normal

 

For di siman pasá, pa motibunan konosí, Selikor a eksperensiá retraso den su skema di rekohé shushi di kas. E siman akí, e servisio pa rekohé shushi di kas a inisiá ku e skema normal i ta pasando den tur bario. 

Pa fin di e siman akí Selikor lo pasa rekohé tur shushi den tur bario. Tin un posibilidat ku algun bario lo por eksperensia ku no a rekohé nan shushi riba e dia kustumbrá, pero Selikor su trùknan lo pasa si den e mesun siman. 

 

Djaweps 2 di yüli, un dia  liber ofishal, e personal lo traha normal segun e skema regular i lo pasa den e barionan konserní. Selikor ta hasiendo su máksimo esfuerso pa no laga ningun bario keda ku nan shushi. 

 

Klientenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 434-1300. 

 

Selikor ta pidi su diskulpa pa eventual inkonbeniensia ku e retraso aki por trese kuné i ta pidi su klientenan indulgensia pa e situashon ku a surgi.

This site uses Akismet to reduce spam. Learn how your comment data is processed.

error: Content is protected !!
%d bloggers like this: