Seremonia di despedida pa Sr. William Millerson (q.e.p.d.)

 

Seremonia di despedida pa Sr. William Millerson (q.e.p.d.)

 

Willemstad – Djasabra 4 di yüli ta tuma lugá seremonia di despedida di defuntu èks Presidente di Parlamento i Parlamentario di partido di koalishon PAR, sr. William “Junior” Millerson. Lo tin un reunion solèm di Parlamento di 10.00 pa 11.00 ‘or. Despues ta sigui un seremonia di despedida kual lo tuma lugá na PWFC kaminda sernan kerí i konosí ta haña oportunidat pa tuma despedida di e defuntu entre 12.30’or pa 15.00 ‘or.

Reunion solèm na PWFC

Tur minister di Gabinete Rhuggenaath inkluso Gobernador lo ta presente na e reunion solèm di Parlamento na PWFC ku lo inisiá 10’or.

Aki Parlamento, Gobièrnu di Kòrsou i otro Kolegionan haltu di Estado lo despedí di un manera digno di e defuntu. 

Ruta pa PWFC

Entre 8:40 pa 8:50 ta bai ku e defuntu St Thomas College pa un seremonia kòrtiku. Djei entre 9.05 i 9.15  ta hiba e defuntu Parlamento pa un seremonia kòrtiku. Pa 9.15 ta sali for di Wilhelminaplein bai direkshon di Sede di partido PAR. Ta sali 9.40 ku e defuntu for di Sede di PAR bai kaba na PWFC.  

 

Seremonia di despedida na PWFC

E seremonia di despedida ta tuma lugá na PWFC di 12:30’or te 15:00’or. Durante e seremonia na PWFC lo tin posibilidat pa sernan kerí i konosínan tuma despedida di e defuntu teniendo kuenta ku reglanan di higiena i distansia sosial. Trahe alegre. 

Un petishon en general pa tur hende sigui indikashon di outoridatnan i yuda mantené òrdu di tal forma ku tur hende por tuma despedida di un forma digno di Sr William “Junior” Millerson (q.e.p.d.).

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: