Subida astronómiko riba impuesto di aeropuerto 

 

Subida astronómiko riba impuesto di aeropuerto
Pa motibu di pèrdidanan finansiero grandi ku nos aeropuerto a sufri a konsekuensia di e krisis di COVID-19, CAP (Curaçao Airport Partners) ta konsiderando un oumento astronómiko riba tarifanan di impuesto ku mester paga na salida for di Kòrsou.
Biaheronan di tránsito ta paga 10 dollar te na e momentu aki. Según proposishon di CAP un biahero di tránsito lo bai paga 50 dollar.
Na e momentu aki un pasahero ta paga mas o menos 42 dollar pa biahenan internashonal. Esaki CAP lo ke subi na 210 dollar.
Un pasashi pa Sint Maarten òf Aruba lo subi ku 150 dollar na impuesto di aeropuerto segun e proposishon, kompará ku aktual 30 dollar.
Pa un biahe pa Bonaire un pasahero ta paga 15 dollar. Esaki lo bira 75 dollar segun e proposishon di CAP.
Mirando esfuerso di varios entidat turístiko pa atraé mas bishitante na nos pais, e subida di impuesto di aeropuerto aki ta faktibel?

This site uses Akismet to reduce spam. Learn how your comment data is processed.

error: Content is protected !!
%d bloggers like this: