ACC & Partners awor ta Crowe Dutch Caribbean

ACC & Partners awor ta Crowe Dutch Caribbean

Willemstad – ACC & Partners no ta un kompania deskonosí den mundu di audit, tax & advisory. Desde 2016 ACC & Partners enkabesá pa Anthony Cijntje a djòin e kompanía klasifiká komo e di ocho mihó di mas grandi di mundu ku ta Crowe Global. Ku e aliansa stratégiko aki Kòrsou a haña un “big player” den mundu di audit, tax & advisory. 

 

E nòmber por a kambia pero loke no ta bai kambia segun direktor Anthony Cijntje ta e servisionan kustumbrá, nan profeshonalismo, e adrès i number di telefòn. E aliansa stratégiko ku Crowe ta mustra e konfiansa ku kompanianan grandi mundial tin den nos profeshonalnan i nos trabou. Ku e kompania Stephens de Cuba & Partners B.V., bou di guía di señora Charissa de Cuba, nan lo sigui huntu bou di e nòmber Crowe Dutch Caribbean. 

 

Crowe Dutch Caribbean tin profeshonal ku ta flèksibel, ku étika i moral di trabou haltu. Ku ta enfoká riba e mihó resultado pa e kliente. Den krisis i ku distansia sosial, kompanianan na Kòrsou, Bonaire i otro islanan den Karibe Hulandes por ta trankil paso Crowe ta apliká e teknologianan di más nobo i modèrno garantisando kontinuidat i kalidat di trabou. 

 

Anthony Cijntje ta un Register Accountant ku mas di 40 aña di eksperensha. Ela inisiá su karera na un “big four” i desde 2008 ela funda ACC & Partners B.V. Ela fungi komo dosente na Universidat (UNA) den e opleiding pa registeraccountant (RA). Tambe ela fungi komo presidente di e asosashon di accountants lokal; Dutch Caribbean Accountants Association.

 

Charissa de Cuba ta un Register Accountant ku mas di 20 aña di eksperensha. Ela inisiá su karera na un “big four” i a traha na Kòrsou i Hulanda. Desde 2010 ela funda Stephens de Cuba & Partners B.V. Tambe ela fungi komo dosente na Universidat (ICUC) den e opleiding pa Accountant-administratie consulent (AA).

 

E aliansa di Crowe Global ta habri porta pa ekspertonan riba diferente área di Audit, Tax & Advisory for di mas ku 130 país kaminda Crowe ta establesé. Bishita nan website www.crowe.com/cw , Facebook/ Instagram/LinkedIn Crowe Dutch Caribbean òf tuma kontakto ku Anthony Cijntje i/òf Charissa de Cuba pa un sita.  

 

-9 di yüli 2020 –

This site uses Akismet to reduce spam. Learn how your comment data is processed.

error: Content is protected !!
%d bloggers like this: