JONG HOLLAND I FC VESTA KAMPION DI KAMPIONATO DI DAMA KATEGORIA U-15 I U-17!

JONG HOLLAND I FC VESTA KAMPION DI KAMPIONATO DI DAMA

KATEGORIA U-15 I U-17!

 

 

Djabièrnè, 10 di yüli último, na tereno di Willemstad ta tin e gran finalnan di Kampionato di Dama 2019 kategoria U-15 i U-17. Ámbos partido a tuma lugá 7’or di anochi kaminda Jong Holland a enfrentá Excellence School den kategoria U-15 riba e vèlt chikí miéntras Hubentut Fortuna a topa Fc Vesta den kategoria U-17 riba e vèlt grandi.

Jong Holland a sali viktorioso i a titulá nan mes kampion despues di gana Excellence School ku skor di 2 pa 1. E golnan di Jong Holland a keda anotá pa Kishana Mathilda ku Thaisa Brunken miéntras Soerianieh Nucatia tabata esun ku a anotá e gol pa Excellence School.

Pareu ku e final di kategoria U-15, Fc Vesta ku Hubentut Fortuna tabata batayá pa e título di kampion di kategoria U-17. Di kual Fc Vesta a gana Hubentut Fortuna ku e skor di 1-0. Sephanyah Pedro tabata e outor di e úniko gol di e partido aki ku a pone Fc Vesta bai ku e título di kampion di e Kampionato di Dama kategoria U-17.

Despues di e 2 finalnan aki, falta e final di kategoria senior ku ta programá pa tuma lugá dia 18 di yüli próksimo entre Fc Vesta i Hubentut Fortuna.

FFK ta deseá Jong Holland ku Fc Vesta masha pabien ku nan título di kampion i tambe Excellence School ku Hubentut Fortuna ku nan título di supkampion. Tambe FFK ta gradisí tur hungadó, entrenadó, mayornan, dirgentenan, rèfrinan i tur ku a kontribuí na un Kampionato di Dama 2019 eksitoso!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: