Entrada hudisial ku detenshon i konfiskashon.

KOMUNIKADO DI PRENSA 265 / 2020
15 yüli 2020
Entrada hudisial ku detenshon i konfiskashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 15 di yüli 2020, alrededor di 06.00 or, personal di e Divishon di Krímen Organisá a
tene un entrada hudisial na un adrès na Wiriweg.
Esaki tabata relashoná ku un investigashon tokante un kaso di sekuestro i asesinato ku ta
andando.
Na e adrès en kestion a detené e hòmber L.J.O.Z. di 41 aña di edat, nasé na Venezuela.
Den kuadro di investigashon, a haña i konfiská algun telefòn ku ta importante pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.