TUR HENDE POR DISFRUTÁ ATROBE DI UN WAF DI CHACHACHA KOMPLETAMENTE RENOBÁ / IEDEREEN KAN WEER GENIETEN VAN EEN COMPLEET GERENOVEERDE CHACHACHA PIER

TUR HENDE POR DISFRUTÁ ATROBE DI UN WAF DI CHACHACHA KOMPLETAMENTE RENOBÁ

Kralendijk – Waf di Chachacha awó ta den su forma  nobo pa pueblo por disfrutá di dje.
Waf di Chachacha tin su historia su tras, mirando ku den añanan setenta pa ochenta di siglo pasá hopi hóben ku tabata bai Skol di Ofishi, mihó konosí komo ‘Ambachtschool’ tabata bai landa na Chachacha den nan tempu liber.  Na e waf aki hopi hóben di e bario di Rincon tambe a siña landa, manera diputado James Kroon a trese dilanti na reapertura di e waf.
Djárason den oranan di mainta un grupo di hende grandi ku diariamente ta landa na Chachacha tabatin un sukulento desayuno pa asina selebrá reapertura di e waf. Diputado Kroon tambe tabata presente i a felisitá e kompania i su trahadónan pa e bon trabou ku nan a hasi na e waf i e grandinan ku diariamente ta bishitá e waf. Un felisitashon spesial a bai pa kabesante di e grupo sr. Eddy Rijna, kende ya pa 37 aña kaba ta landa na Chachacha. Eddy Rijna den kompania di e grupo i den presensia di diputado a bendishoná e waf ku shampaña.
Diputado Kroon den su diskurso a trese dilanti ku trabounan ta tumando lugá i kada kos ta tuma lugá na su debido tempu. Loke falta ainda na Chachacha ta e parti di e murayanan ku mester fèrf pa asina e área rònt di e waf keda nèchi akabá. Mas aleu diputado a duna di konosé ku dentro di poko lo drecha tambe e Waf di Piskadó na Playa Pabou i e waf na Sorobon, di manera ku tantu piskadó- i usuarionan por hasi uso di e wafnan ei. Pa loke ta trata e kas di piskadó ku tin na Playa Frans, gobièrnu di Boneiru a pone fondonan disponibel pa drecha e kas aki i e ‘slipway’. Finalisando diputado James Kroon a enfatisá ku debidamente gobièrnu tin atenshon pa nos piskadónan.

 

IEDEREEN KAN WEER GENIETEN VAN EEN COMPLEET GERENOVEERDE CHACHACHA PIER

Kralendijk – De Chachacha Pier (Waf di Chachacha) verkeert nu in een totaal herstelde vorm, zodat de bevolking ervan kan genieten. De Chachacha Pier is niet zonder een eigen geschiedenis. In de jaren 70 en 80 van de vorige eeuw gingen veel jongeren die de toenmalige technische school – ook wel bekend als de ‘Ambachtschool’ – bezochten, bij Chachacha zwemmen in hun vrije tijd. Aan die pier hebben ook veel jongeren uit Rincon leren zwemmen, zoals gedeputeerde James Kroon te kennen gaf bij de heropening van de pier. 

Woensdagochtend heeft een groep ouderen die dagelijks bij Chachacha gaat zwemmen, de heropening van de pier gevierd met een smakelijk ontbijt. Gedeputeerde Kroon die ook  aanwezig was feliciteerde het bedrijf en haar werknemers die de herstelwerkzaamheden hebben verricht voor het uitstekende resultaat. Felicitaties waren er ook voor de ouderen die elke ochtend bij de pier zwemmen. Voor de aanvoerder van de groep, dhr Eddy Rijna die al 37 jaar lang bij Chachacha zwemt, waren er speciale gelukwensen. De pier werd door Eddy Rijna samen met ‘zijn’ groep ouderen in tegenwoordigheid van de gedeputeerde met champagne gedoopt.

In zijn toespraak heeft gedeputeerde Kroon naar voren gebracht dat er hard gewerkt wordt en dat de nodige werkzaamheden op het geijkte moment plaatsvinden. Wat nog gedaan moet worden bij de Chachacha Pier zijn de muren die geschilderd moeten worden, zodat dan de hele omgeving rondom de pier netjes afgewerkt is. Verder vertelde de gedeputeerde dat binnenkort ook de Visserspier (Waf di Piskadó) in Playa Pabou en de pier bij Sorobon hersteld worden, zodat zowel vissers als andere gebruikers daar gebruik van kunnen maken. Ook heeft het Bonairiaanse eilandbestuur middelen beschikbaar gesteld voor het herstel van de vissershut in Playa Frans en de bijbehorende scheepshelling. Tot slot heeft gedeputeerde James Kroon benadrukt dat het eilandbestuur wel degelijk aandacht heeft voor onze vissers.