FC VESTA KAMPION DI KAMPIONATO DI DAMA KATEGORIA SENIOR!
FC VESTA KAMPION DI KAMPIONATO DI DAMA KATEGORIA SENIOR!
Despues di e tremendo finalnan di Kampionato di Dama 2019 kategoria U-15 i U-17, djasabra 18 di yüli último, a toka turno pa e gran final di Kampionato di Dama 2019 kategoria senior. Fc Vesta i Hubentut Fortuna tabata e ekiponan ku a enfrentá otro durante e partido aki ku a tuma lugá 8’or di anochi na tereno di FFK.
Fc Vesta a sali viktorioso i a titulá nan mes kampion despues di gana Huubentut Fortuna ku skor di 2 pa 1. E gol di Fc Vesta a keda anotá pa Jully Lake i ta tin un outogol di Hubentut Fortuna miéntras Riesmarly Tokaay tabata esun ku a anotá e gol pa Hubentut Fortuna.
Pues awor nos tin tur e ekiponan kampion i supkampion di Kampinato di Dama 2019.
FFK ta deseá Fc Vesta masha pabien ku nan título di kampion i tambe Hubentut Fortuna ku nan título di supkampion. Un biaha mas FFK ta gradisí un i tur ku a kontribuí di un manera òf otro na e éksito di Kampionato di Dama 2019!
