Atvertensia pa trafikashon riba kaya i nabegashon durante áwaseru pisá.

 

KOMUNIKADO DI PRENSA 285 / 2020
25 yüli 2020
Atvertensia pa trafikashon riba kaya i nabegashon durante áwaseru pisá.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Polis ta atvertí tur usuario di kareteranan públiko, pa tene kuenta èkstra durante di e
próksimo oranan ku ta spera áwaseru, a konsekuensia di loke ku ainda ta aktivo, di e
sistema Gonzalo.
Áwaseru duru i kontinuo lo sòru pa e.o. falta di sufisiente visibilidat i tambe kayanan ku lo
yena ku awa den sierto áreanan.
Evitá áreanan unda tin plasnan grandi di awa, pa asina bo outo no keda pega of ku dor di e
koriente di awa ku tin na e momentu ei, e lastra bo vehíkulo bai kuné.
Kaida di awa kontinuo i fuerte por trese kuné tambe ku palunan por kai riba vehíkulo òf riba
kaya, ku lo stroba kontinuashon liber di tráfiko.
Kamindanan por keda tapá bou di lodo òf kubrí ku barankanan ku tambe por forma un
peliger tantu pa tráfiko motorisá òf peaton.
Si bo ta trafiká den áreanan kaminda tin seru, tene kuenta ku dor di e yobida fuerte,
piedranan grandi i baranka por los i bin abou.
Por último nos ke deskonsehá tur esnan ku tin pensá di subi laman den e próksimo oranan i
den dia di mañan, pa no hasi esaki.
No eksponé bo bida i bida di otro na peliger. Si no ta nesesario, evitá di sali kaya durante
yobida fuerte.
Polis lo ke keda usa su kapasidat pa kasonan di emergensia i yudansa na esnan ku mas lo bai
tin nesesidat di esaki, durante di e momentunan ku e sistema ta pasa riba nos isla.
Kuerpo Polisial ta keda alkansabel riba e numbernan 911 pa kasonan di emergensia i 917 pa
tur otro kaso polisial ku NO ta urgente.

This site uses Akismet to reduce spam. Learn how your comment data is processed.

error: Content is protected !!
%d bloggers like this: