Pronóstiko di tempu pa Kòrsou i bisindario bálido te djaluna mainta 06:00 o.l., 27 di yüli 2020.

 

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 27 di yüli 2020.
Kompilá: djadumingu 26 di yüli 2020, 05:00 o.l. (09:00 UTC).

KÓDIGO HEL: PREKOUSHON PA MAL TEMPU I LAMAN BRUTU

Tempu: Parsialmente te hopi nublá ku algun áwaseru kompañá pa welek i bos.

Temperatura máksimo lo alkansá 30ºC i temperatura mínimo 25ºC.
Solo ta sali 06:21 i ta baha 19:03 o.l.

Bientu: Generalmente ost i suak te basta; forsa 2 te 5 (7 te 39 km/ora, 4 te 21 nudo). Prinsipalmente durante momentunan ku áwaseru, fuerte te duru den ráfaga; forsa 6 te forsa 7 (40 te 61 km/ora, 22 te 33 nudo).

Situashon general: Durante di próksimo 24 ora, kondishon atmosfériko lo keda favorabel pa desaroyo di nubianan signifikante asosiá ku restu di Tormenta Tropikal Gonzalo riba nos region. Esaki lo trese algun áwaseru riba i rondó di nos isla, prinsipalmente durante oranan di awe mainta. Despues di esaki, wer lo bira relativamente mas seku. Di otro un banda, ainda e fluho di bientu por bira basta fuerte partikularmente den áwaseru.

Kondishon di laman: Moderá te basta brutu ku altura di olanan serka entre di 1.5 i 2.5 meter (4 pa 8 pia).

Sistemanan signifikante di wer tropikal: Orkan Hanna a debilitá awe mardugá i bira un tormenta tropikal i ta situá riba kosta sùit di estado di Texas (Merka) i lo sigui move den un direkshon wèst sùitwèst. Mas aleu, tin un disturbio riba Atlántiko Tropikal ku ta mustra un potensial haltu pa sigui desaroyá den un siklon. E sistema aki ta move den un direkshon wèst i ta antisipá ku e sistema aki lo alkansá área Karibense na medio di e siman benidero. E dos último sistemanan tropikal aki no ta un menasa pa Kòrsou.

Fenómeno spesial: Ningun.

Perspektiva te djamars mainta: Parsialmente nublá ku chèns pa un áwaseru lokal.

Meteorólogo: Rombley.

 

 

 

Day:	Djadumingu	Djaluna	Djamars	Djárason	Djaweps
	áwaseru ku welek ku bos aislá	áwaseru ku welek ku bos aislá	áwaseru aislá	vários áwaseru	posibilidat di áwaseru i welek ku bos
Rain probability:	20%	20%	20%	40%	40%
High:	30ºC / 86ºF	31ºC / 88ºF	32ºC / 90ºF	31ºC / 88ºF	31ºC / 88ºF
Low:	25ºC / 77ºF	26ºC / 79ºF	27ºC / 81ºF	25ºC / 77ºF	26ºC / 79ºF
Sunrise time:	06:21	06:22	06:22	06:22	06:22
Sunset time:	19:03	19:03	19:02	19:02	19:02
Wave heigth (meters):	0.5 – 1	1 – 1.5	1 – 1.5	1 – 1.5	0.5 – 1