KUERPO POLISIAL KÒRSOU 

KOMUNIKADO DI PRENSA

313/2026

21 sèptèmber 2026 

Detenshon pa violashon di lei di arma di kandela 

Djaluna 21 di sèptèmber 2026 alrededor di 10.10’or, personal di reshèrshi  a realisá un detenshon relashoná ku poseshon ilegal di arma di kandela. Durante di un investigashon ku polis tabata kondusí den Montana Abou, a  bin topa un tas konteniendo un pistol. 

Relashoná ku e konfiskashon aki, polis a detené e hòmber K.S. di 38 aña  di edat nasé na Kòrsou pa violashon di e lei di arma di kandela 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.