Detenshon pa violashon di lei di arma di kandela 

KUERPO POLISIAL KÒRSOU 

KOMUNIKADO DI PRENSA

312/2026

21 sèptèmber 2026 

Detenshon pa violashon di lei di arma di kandela 

Djadumingu 20 di sèptèmber 2026 alrededor di 11.38’or, Sentral di Polis a  risibí informashon ku shofùr di un vehíkulo a keda menasá dor di un otro  outomobilista den área di Kaya Milon di Seru. 

E sospechoso den un outo sin plachi di number, a saka un arma di kandela  i mustra esaki den direkshon di e víktima. 

Polis a mobilisá mesora i despues di un búskeda intensivo, a bin topa ku e  outo.  

A start un persekushon kòrtiku i e unidat a logra para e outo den Kaya Pita. Den banda di un di e portanan di e outo, polis a enkontrá un arma di  kandela ku a keda konfiská huntu ku e vehíkulo. 

A presentá e hòmber J.M.R.D. di 31 aña di edat nasé na Kòrsou dilanti di  un fiskal ouksiliar, ku a ordená su enkarselamentu pendiente di mas  investigashon.