KUERPO POLISIAL KÒRSOU 

 

KOMUNIKADO DI PRENSA

311/2026

21 sèptèmber 2026 

Hòmber enkontrá morto den apartamentu di dibertishon 

Djaluna 21 di sèptèmber 2026 alrededor di 04.45’or, Sentral di Polis a dirigí  un unidat polisial pa un kompleho di apartamentu di dibertishon na  Sorsaka, pa un hòmber ku no tabata duna señal di bida. 

Na yegada di e patruya, el a topa den entrada di un di e apartamentunan,  un hòmber sin paña na su kurpa, drumí den un plas di sanger. 

Solamente na su garganta e tabatin un paña lorá. 

For di investigashon ku polis a kompilá na e sitio, por a komprondé ku un  ratu promé un vehíkulo manehá pa un dama, a bandoná e tereno riba un  velosidat haltu, destruyendo e “boom” ku tin na e entrada/salida di e  kompleho.  

Personal di ambulans ku a yega na e sitio no por a hasi nada mas pa e  víktima. 

Dòkter di polis ku a presentá algun ratu despues, a konstatá morto di e  hòmber, ku tabatin un herida basta grave na altura di su garganta. 

Riba òrdu di fiskal di Ministerio Públiko a konfiská e kurpa, mientras ku  personal di reshèrshi táktiko i forensiko ta kontinuá ku e investigashon.