Merka a formalisá e traspaso di kasi 30 mion dòler na entradanan kriminal konfiská bèk pa e pueblo di Kòrsou.

Merka a formalisá e traspaso di kasi 30 mion dòler na entradanan kriminal konfiská bèk pa e pueblo di Kòrsou.

E fondonan ta bai bèk na un esfuerso bilateral kordiná di enforsamentu di lei kontra kriminalidat organisá — un ehèmpel poderoso di koperashon entre Merka i Kòrsou.
Manera cu e fondonan regresa Curaçao, nan lo wordo usa pa fortifica programanan di mantencion di ley y siguridad, personal y ekipo, contribuyendo na desmantela rednan criminal den Caribe Hulandes.

 

Fondonan prosedente di kaso Bientu ta destiná pa fortalesé hustisia

 

WILLEMSTAD, 21 di sèptèmber 2026 – Dia 17 di sèptèmber último Kòrsou i Merka ta firma un akuerdo históriko pa restitushon di kasi 30 mion dòler prosedente di kaso Bientu. E akuerdo ta resultado di vários aña di koperashon entre Kòrsou i Merka den investigá aktividatnan kriminal relashoná ku moveshon di fondonan pa kuentanan bankario den eksterior. E seremonia  di firmamentu a tuma lugá na Washington, D.C., ku presensia di entre otro Minister Shalten Hato, supsekretario di Estado pa Asuntunan Eksterior, sr. Christopher Landau i sra. Jennifer Hodge ku ta e suplente asistente di e Prokurador General.

 

Montante ta destiná pa Fondo di Kriminalidat

E montante kompletu lo ta destiná pa Fondo di Kriminalidat di Kòrsou (’Crimefonds’). Pa di e manera aki e fondonan keda usá direktamente pa fortalesé kapasidat di e kadena hudisial dirigí riba seguridat públiko. E fondonan di ningun forma lo no bai bèk pa e persona kondená den e kaso. Ni tampoko pa e persona kondená su famianan ni su negoshinan. Esaki ta parti di e palabrashonnan di e akuerdo.

 

Áreanan prinsipal di invershon

E áreanan di invershon ku mester di atenshon ta basta pero pa por a yega na palabrashon konkreto i ku por midi desaroyo den práktika, a determiná algun área spesífiko di invershon:

• Modernisashon di Kuerpo Polisial (KPC)
• Invertí den kombatí kriminalidat bou di hóbennan
• Prevenshon i kombatí trata di persona
• Seguridat i prevenshon den bario

 

Benefisionan pa komunidat di Kòrsou

E invershon ta bai brinda e oportunidat pa mehorá servisionan di seguridat strukturalmente. Entre e resultadonan mas pidí ta pa yega na un infrastruktura polisial mas moderno, mihó ekipo pa personal, mas apoyo pa hóbennan ku drenta den kontakto ku hustisia i mas prevenshon di krímen i violensia den nos komunidat.

 

Transferensia di montante den tres parti

E transferensia di e montante mionario ta bai tuma lugá den tres parti. E promé parti di e transferensia ta bai tuma lugá den un máksimo di 30 dia despues ku a firma e akuerdo pues pa mas tardá mitar di luna di òktober 2026. Den e akuerdo ta menshoná ku ta realisá e di dos transferensia despues ku hasi sierto investigashon i kòntròl pa determiná si e fondonan a keda usá den e kuadro stipulá. Mesun ehersisio ta tuma lugá promé ku hasi e transferensia di e di tres i último parti. E mekanismo aki ta garantisá uso responsabel di e fondonan.

 

Transparensia

E akuerdo su vershon firmá ta bai keda publiká via e kanalnan ofisial di Fondo di Kriminalidat, Ministerio di Hustisia i Gobièrnu di Kòrsou. Di e manera aki tur persona ku tin interes por tin akseso pa mira klaramente na unda kada florin a i ta bai.

Resultado di koperashon internashonal

E akuerdo ta pionero den su sorto komo nunka promé no a yega na un restitushon di un suma asina grandi. Minister di Hustisia, sr. Shalten Hato a karga e proyekto ku respaldo di su tim di negosiashon ku a konsistí di sra. Saran Magdalena-Inderson i sr. Ibrahim Isidora. Porfin henter pueblo di Kòrsou por tuma nota di e resultado di basta aña di negosiashon ku outoridatnan merikano. Mas ainda pueblo di Kòrsou por aploudí e desaroyo aki komo algu ku ta fasilitá e proseso pa Kòrsou bira un isla mas resiliente, mas safe i mas sigur. Pabien Kòrsou!