Trabounan di mantenshon di kaya ta stòp pa un periodo
Tráfiko, Transporte i Planifikashon Urbano
Trabounan di mantenshon di kaya ta stòp pa un periodo
Publiká riba 15 Desèmber 2024
Willemstad – Minister Charles Cooper huntu ku Servisio pa Obra Públiko (OW) ta informá ku entrante 15 di desèmber, trabounan di mantenshon di kaya ta wanta pa un periodo di 3 siman. Esaki ku konekshon ku dianan di fiesta i vakashon di kontratistanan.
Trabounan di kaya na entre otro Heintjekool, Koraalspechtweg, Kaya Damasko, i Pablo Frederick lo keda para.
Esaki ta kayanan ku lo keda na mitar i lo kontinuá ku nan, manera e dianan festivo nan pasa.
Minister Charles Cooper huntu ku OW ta deseá pueblo di Kòrsou felis dianan di fiesta.
639114718427035"
639114718427035"