Reflekshon riba enkuentro entre Domeinbeheer i bario di Charo

Willemstad – Resientemente, riba plenchi dilanti misa di Coromoto, UO Domeinbeheer a organisá un anochi di enkuentro ku e bario di Charo. Meta di anochi aki tabata pa por a haña perspektiva di habitantenan di Charo riba diferente puntonan ku ta di importansia pa e habitantenan na momentu di posibel desaroyonan den e área di Seru Pretu. Pa asina aki den estrecho kooperashon ku e habitantenan tuma desishon informá i balansá riba futuro desaroyonan den e área ariba menshoná.

Minister di VVRP, señor Charles Cooper a hasi apertura di e anochi aki, i hefe di Domeinbeheer Mr. Jaïro Martis a hiba palabra, tambe a konta ku presensia di señora Caroline Manuel Direktor di Sektor di Infrastruktura i Planifikashon Urbani di VVRP.  Un tim di eksperto, huntu ku e moderadó di e anochi a guia e tayer kaminda mas ku 85 habitante a partisipá aktivamente, no solamente dor di ekspresa nan preokupashonan, pero tambe dor di un ehersisio interaktivo den grupo nan mas chikí, hasi sugerenshanan pa benefisio soshal-ekonómiko i ambiental di nan bario.

Na final di e anochi por a konkluí ku habitantenan ta deseá pa mira diferente desaroyonan den futuro, entre otro: establesé un plenchi di deporte pa uso multifunshonal, un sentro di bario, mehorá seguridat di tráfiko dor di mihó iluminashon, organisá aktividat pa grandinan, introdusí energia alternativo i duradero; i tambe traha kasnan pagabel pa habitantenan di bario i, kasnan sosial pa nos komunidat.

Esaki ta e promé paso pa por sigui komuniká direktamente ku bario.

Domeinbeheer por mira bèk riba un anochi eksitoso.