Kambio di nòmber i registrashon di vehíkulo lo kontinuá via sita

 

Kambio di nòmber i registrashon di vehíkulo lo kontinuá via sita

Geplaatst op 28 July 2020 dor di Ministerio Tráfiko, Transporte i Planifikashon Urbano

WILLEMSTAD – Servisio pa Tráfiko i Transporte (UOVV) ta informá komunidat ku lo por sigui hasi kambio di nòmber (‘overschrijving’) i registrashon di vehíkulo via di sita. Pa traha un sita por yama 839-2073 òf 839-2137. Tambe por manda un e-mail na info.uovv@gobiernu.cw.

UOVV ta pidi tur persona ku ta manda e-mail pa kòrda indiká un number di telefòn pa asina por tuma kontakto mas direkto i rápido ku e kliente. Uso di e buzon di karta (‘brievenbus’) tambe ta keda vigente.

E e-mail adrèsnan reg.uovv@gobiernu.cw  i ovr.uovv@gobiernu.cw ta kaduká entrante 30 di yüli 2020. Lo keda hasi uso solamente di info.uovv@gobiernu.cw.

UOVV ta gradisí komunidat pa e komprenshon i koperashon den esaki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: