𝐑𝐞𝐮𝐧𝐢𝐨𝐧 𝐞𝐧𝐭𝐫𝐞 𝐏𝐫𝐨𝐦é 𝐌𝐢𝐧𝐢𝐬𝐭𝐞𝐫 𝐏𝐢𝐬𝐚𝐬 𝐢 𝐏𝐫𝐨𝐦é 𝐌𝐢𝐧𝐢𝐬𝐭𝐞𝐫 𝐉𝐞𝐭𝐭𝐞𝐧

WILLEMSTAD – Djarason 13 di Mei 2026, Promé Minister di Kòrsou, sr. Gilmar Pisas, a tene un reunion ku Promé Minister di Hulanda, sr. Rob Jetten, durante su bishita di trabou na Kòrsou.

Durante e enkuentro, ambos mandatarionan a papia tokante diferente tema di interés komún pa Kòrsou i Hulanda, manera uso di energia renobabel, invershonnan den barionan vulnerabel i e situashon geopolítiko regional. E reunion a pone énfasis riba e importansia di diálogo kontinuo i kooperashon konstruktivo den Reino.

Durante e resepshon ku a sigui, Promé Minister Pisas, Promé Minister Jetten i Presidente di Parlamento, sr. Fergino Brownbill, a dirigí nan mes na e invitadonan.

Despues Promé Minister Pisas a introdusí Promé Minister Jetten na e miembronan di Konseho di Minister. Sr. Browbill presidente di i Parlamento a introdusí Promé Minister Jetten na e parlamentarionan na Landhuis Vredenberg.

Tambe e mandatarionan a interkambiá regalo ku otro komo símbolo di rèspèt mutuo i bon relashon.