Un detenshon pa destrukshon, menasa i maltrato relashonal.

KOMUNIKADO DI PRENSA
302 / 2020
6 ougùstùs 2020
Un detenshon pa destrukshon, menasa i maltrato relashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 6 di ougùstùs, alrededor di 02.02 or di mardugá, Sentral di Polis a dirigí un patruya
na un kas den área di Tera Kòrá pa un kaso di maltrato relashonal.
For di un investigashon preliminar ku polis a realisá, e dama víktima a deklará na polis ku
tantu e komo e yu tabatin un ke otro konflikto ku su pareha. Debí na esaki e hòmber a
maltratá nan i menasá nan. Tambe el a kometé destrukshon na e kas.
En konekshon ku e maltrato, destrukshon i menasa aki, na e sitio polis a detené e hòmber
sospechoso R.L.R. nasé na Kòrsou di 60 aña di edat.
A presentá e sospechoso dilanti di un Fiskal Ouksiliar ku a ordená su enkarselamentu
pendiente mas investigashon.