Dos detenshon pa violensia relashonal i menasa.

KOMUNIKADO DI PRENSA 305 / 2020
7 ougùstùs 2020
Dos detenshon pa violensia relashonal i menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 7 di ougùstùs 2020 alrededor di 07.39 or di mainta, polis a bai na un adrès
na Blanquiliaweg pa un kaso di violensia relashonal.
Na e adrès menshoná un pareha tabatin diskushon ku otro i durante di e diskushon
aki e hòmber a agredí e dama i menasé ku morto. E dama na su turno mester a
manda un spil riba e hòmber. E spil a kibra riba e parti ariba di e hòmber su brasa
ròbes i a kòrta esaki. Pa e herida aki e hòmber mester a haña tratamentu mèdiko.
Polis a detené ámbos persona.
A presentá e sospechosonan dilanti di un fiskal ouksiliar, despues di un interogashon
e dama a keda den libertat. E hòmber C.R.M.N. di 57 aña di edat, nasé na Kòrsou a
keda será pa menasa i maltrato.
Investigashon den e kaso aki ta kontinuá