Kas na kandela.

KOMUNIKADO DI PRENSA 309 / 2020
10 ougùstùs 2020
Kas na kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 10 di ougùstùs 2020, alrededor di 17.26 or, Sentral di Polis a risibí notifikashon ku
den área di Jan Noorduynweg tin un apartamento na kandela. Tambe ku riba e mesun
tereno tin un otro kas ku e posibilidat pa pega na kandela.
Mesora a dirigí un unidat polisial na e sitio i na su yegada el a konstatá ku un apartamento
di palu habitá, tabata kompletamente na kandela. Personal di brantwer ku a presentá na e
sitio a paga e kandela. E otro bibienda a keda intakto. No tabatin daño personal.
Kousa di e kandela ta den investigashon.