Dos detenshon relashoná ku ladronisia.

 

KOMUNIKADO DI PRENSA
315 / 2020
12 ougùstùs 2020
Dos detenshon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 12 di ougùstùs 2020, alrededor di 09. 30 or, Sentral di Polis a risibí informashon
di un komersiante ku un trahadó a bai ku merkansia for di su negoshi sin su outorisashon ku
ménos bon intenshon.
Siguiendo ku e investigashon den e kaso aki un patruya a bai na un adrès na Seru
Fortunaweg kaminda a topa ku e vèn di e negoshi pará. Na momento ku e hòmber aki a
mira e patruya el a trata di bai for di e sitio. Mesora e agentenan a para e vehíkulo pa un
kontròl. E sospechoso a deklará na polis ku en berdat el a bai ku merkansia for di su trabou
sin outorisashon. E sospechoso e hòmber J.L.A. nasé na Kòrsou di 31 aña di edat a keda
detené pa ladronisia c.q. malversashon.
Mientrastantu un otro patruya a bai na un kompania di eksportashon riba Kaya Jacob L.
Naar, kaminda tabatin un vèn ku tabata enbolbí den e ladronisia ariba menshoná, ta
bayendo pa entregá e merkansianan hortá.
Na yegada di e patruya na e kaya menshoná, el a topa ku e vèn aki. Despues di un
investigashon a detené e shofùr di e vèn na e sitio pa komplisidat. Ta trata di e hòmber
G.L.M. nasé na Kòrsou di 32 aña di edat.
Polis a haña i konfiská un kantidat di merkansia.
A presentá e duo dilanti un Fiskal Ouksiliar, ku a ordená nan enkarselamentu pendiente di
mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: