Lusnan di tráfiko na e krusada Dokweg/Dominico (Don) Martina Boulevard temporalmente for di servisio.

Lusnan di tráfiko na e krusada Dokweg/Dominico (Don) Martina Boulevard temporalmente for di servisio.

Geplaatst op 12 August 2020 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW) ta informá ku, a konsekuensha di un aksidente di tráfiko, e lusnan na e krusada Dokweg / Dominico (Don) Martina Boulevard ta temporalmente for di servisio.

Djárason den oranan di mèrdia a tuma lugá un aksidente di tráfiko na e krusada ariba menshoná kaminda un vehíkulo a dal kontra di e poste di lus di tráfiko, i sak’e kompletamente for di suela. Konsekuentemente e krusada kompleto ta sin lus di tráfiko aktualmente. OW huntu ku e kompania enkargá, a detektá e daño i lo dura un máksimo di dos siman promé ku e lusnan ta bèk den funshon.

 

OW ta hasi un apelashon na outomobilistanan, ku ta usa e via aki, pa kore ku koutela. E servisio lo hasi tur esfuerso pa mas lihé posibel por remediá e situashon i ku e lusnan por ta bèk den funshon.