LIGA MCB PROMÉ DIVISHON BUÈLTA DI 6 TA KLA PA RANKA SALI! DIANAN 14 I 15 DI OUGÙSTÙS DEN STADION ERGILIO HATO!
LIGA MCB PROMÉ DIVISHON BUÈLTA DI 6 TA KLA PA RANKA SALI!
DIANAN 14 I 15 DI OUGÙSTÙS DEN STADION ERGILIO HATO!
Tur kos ta kla pa mañan, 14 di ougùstùs, Liga MCB Promé Divishon su buèlta di 6 ranka sali!
E promé blòk lo tuma lugá e wikènt aki den Sadion Ergilio Hato (SDK). Tur e 6 ekiponan ku lo topa durante e buèlta di 6 aki ta bon prepará pa duna tur ku tin pa logra bai ku e viktoria! Liga MCB Promé Divishon lo tin algun partido sumamente interesante próksimamente…ta abo so falta!
Skema Liga MCB Promé Divishon buèlta di 6:
| Fecha | Dia | Orario | Ekipo di kas | Ekipo bishitante | Stadion | |
| 14-08-20 | Djabièrnè | 20.00 | Jong Holland | vs | Undeba | S.E.H. |
| 15-08-20 | Djasabra | 19.15 | Scherpenheuvel | vs | Vesta | S.E.H. |
| 21.15 | Centro Barber | vs | Willemstad | S.E.H. |
Preis pa Liga MCB Promé Divishon buèlta di 6 ta fl.6,- pa adulto miéntras mucha di 6 te 12 aña ku 60+ ta kosta solamente fl.3,-.
Tur hungadó di futbòl, áktivo den e Kampionato Hubenil di FFK kategoria U-9, U-11 i U-13 por drenta grátis basta nan tin nan karnèt di FFK i ta akompañá pa un mayor!
FFK ta rekòrdá tur fanátiko ku durante e buèlta di 6, lo kontinuá ku e registro na porta. P’esei FFK ta hasi un súplika na tur fanátiko pa yega trempan pa e registrashon i mantené distansia sosial di 2 meter!
Un yamada ta bai na hinter e pueblo di Kòrsou pa asistí na Liga MCB Promé Divishon su buèlta di 6 ku ta kla pa ranka sali!
Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!
Yega trempan i ku un ID válido pa registrashon na porta!
Un tabla lo bula wikènt aki den Stadion Ergilio Hato…nos ta topa!
13 ougùstùs 2020