Kaso di atrako ku detenshon.

KOMUNIKADO DI PRENSA 059 / 2021
13 febrüari 2021
Kaso di atrako ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 12 di febrüari 2021 alrededor di 16.42’or, Sentral di Polis a dirigí unidat di
Montaña pa un minimarket na Jan Boos pa un kaso di atrako.
Dos hòmber a drenta den e establesimentu i bou di menasa ku arma di kandela, e duo a bai
ku e kasa konteniendo alrededor di mil florin.
Polis ku a yega rápidamente na e sitio, a topa e dos hòmbernan sospechoso aki ta hui den
direkshon di Rhedeslust. Un di e agentenan a los un tiru di atvertensia pa nan para pero sin
resultado.
Konsekuentemente a los un tiru dirigí riba un di e atrakadónan ku lo a alkans’é na su pia.
No opstante esei, nan a kontinuá ku nan huida.
Den e mondi den kua nan a hui, polis a bin kontra un arma di kandela.
Kontinuando ku e investigashon, algun ratu despues polis a bin topa e kasa i algun paña den
kaya Otaheito.
Despues di a haña informashon ku e dos hòmbernan tabata skondí den un kas den kaya
Ehèmber, polis a drenta e kas aki huntu ku un fiskal ouksiliar i a bin topa den un kamber
skondí, un di e atrakadónan ku un herida di bala na altura di su pia drechi abou.
Den e mesun bibienda aki a bin topa despues ku un otro hòmber, ku lo ta esun ku tambe
tabata enbolbí den e atrako aki.
A detené e dos hòmbernan sospechoso J.V.P.G. i K.J.G.S. di 18 aña di edat ámbos nase na
Kòrsou.
E sospechoso heridá a keda hibá C.M.C. pa tratamentu médiko.
A presentá e duo dilanti di un fiskal ouksiliar ku a ordená nan enkarselamentu pendiente di
mas investigashon.
Nota pa redakshon – no pa