Lusnan di tráfiko na Dokweg ta funshoná bèk

Lusnan di tráfiko na Dokweg ta funshoná bèk

Geplaatst op 19 August 2020 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW) ta informá ku e lusnan di tráfiko na krusada Dokweg/Dominico “Don” Martina Boulevard ta den servisio atrobe. Manera ta konosí algun dia pasá a surgi un aksidente na e krusada na Dokweg kaminda un vehíkulo a dal den e poste di lus di tráfiko i sak’e for di suela. Konsekuentemente tur e demas lusnan di tráfiko na e krusada a kai afó. OW i e kompania konserní a pone man na obra mesora pa remediá e situashon. E trabounan a kana bon ku e resultado ku e lusnan di tráfiko na Krusada di Dokweg ta funshoná atrobe.

OW ta gradisí tur usuario di e via aki pa e pasenshi desplegá. Tambe ta hasi un apelashon na komunidat pa sigui move ku koutela den tráfiko.