Diferente lus di tráfiko for di servisio pa próksimo dos simannan
Diferente lus di tráfiko for di servisio pa próksimo dos simannan
Geplaatst op 20 August 2020 dor di Ministerio Tráfiko, Transporte i Planifikashon Urbano
Willemstad – Servisio pa Obra Públiko (OW) ta informá ku entrante djabièrnè 21 di ougùstùs 2020 lo kuminsá ku trabounan di renobashon na diferente lus di tráfiko.
E lusnan di tráfiko kaminda trabounan di renobashon ta bai tuma lugá próksimamente ta na:
– Krusada Schottegatweg Oost/Sta. Rosaweg
– Krusada Schottegatweg Oost/Cas Coraweg
– Krusada Schout bij Nacht Doormanweg/Cas Coraweg
– Krusada Schottegatweg West/Bermudaweg (Post V)
E trabounan ta enserá kambio di e kashi ku ta reglá e lusnan di tráfiko i sigui ku e trabounan pa kambia e ‘halogeenlamp armatuur’ ku tin aktualmente pa un LED ‘armatuur’. E orario ku e lusnan lo por ta for di servisio ta di 9’or di mainta pa 11.30’or di mèrdia, i di 2’or pa 4.30’or di atardi. Esaki te na momento ku e trabounan finalisá.
OW ta hasi un apelashon na tur outomobilista pa na momento ku nan ta aserká un di e krusadanan ariba menshoná pa bai ku koutela i apliká reglanan di tráfiko.
