Polis ta atvertí pa fiestanan klandestino den klupnan i sitionan será.
KOMUNIKADO DI PRENSA 326 / 2020
24 ougùstùs 2020
Polis ta atvertí pa fiestanan klandestino den klupnan i sitionan será.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis ta dispone di informashon ku tin organisadónan di fiesta ta kontemplando pa tene
fiesta di un manera klandestino den klupnan i sitionan será, no opstante e prohibishon
temporal pa hasi esaki.
Kuerpo Polisial ta alerta pa e situashon aki i lo kontrolá i aktua debidamente si ta nesesario,
ya ku ta trata aki di un prohibishon hustamente pa evitá ku e vírus di Corona aki lo sigui
plama den nos komunidat.
Polis tambe ta konsiente di e reperkushon ku e medidanan aki tin riba nos sosiedat, pero ta
hasi yamada un bia mas na komunidat pa ban kuida mas tantu ku ta posibel, pa mas lihé
nos pasa over di e situashon aki.
E atvertensia aki tambe manera tur otro, ta konta pa tur gremio den nos komunidat